Kralendijk – Den e siman benidero diputado Thielman lo ta di bishita na Hulanda Europeo. Ey e lo papia ku diferente ministerio i instansia tokante temanan ku ta importante pa desaroyo ekonómiko i finansas di Boneiru.

Durante e bishita di trabou lo pidi atenshon seka diferente ministerio i instansia pa entre otro e plan di WEB pa amplia produkshon di elektrisidat na un forma mas duradero, i tambe pa desaroyo den kuadro di e ‘Tourism Recovery Plan’. Tambe lo atendé diferente asuntunan aktual, manera finansas, koperashon ku gobièrnu di Reino, kosto di bida i gastunan di hasi negoshi, i otro temanan relatá na rekuperashon for di e krísis di Covid.

Tambe diputado Thielman lo hasi un bishita na e isla Texel pa papia ku entre otro e gobièrnu munisipal tokante interkambio di konosementu den kuadro di turismo duradero. Despues e lo bishitá e munisipioKrimpenaan den IJssel pa palabrá tokante futuro kolaborashon i interkambio di konosementu riba e área di digitalisashon.

Diputado Thielman ta klousurá su bishita di trabou na Hulanda despues di partisipá na un konferensia di wèthouders na Apeldoorn.

 

Share This
error: Content is protected !!