Algemene Federatie van Bonairiaanse Werknemers i Federacion di Trahadornan di Aruba ta firma un protokòl di koperashon, firmando e protokòl aki, e dos sindikatonan aki lo bai traha huntu, den solidaridat i union pa yuda otro, sostené otro i fortifiká otro ku e propósito pa hasi uzo di tur konosementu, eksperensia i fasilidatnan.

FTA a ta un sindikato ku hopi aña di eksperensia i tin representashon den diferente sektor laboral na Aruba, FTA ta e sindikato di mas grandi na Aruba.

Pa AFBW esaki ta un bon  akuerdo di koperashon, pa haña mas eksperensia di un federashon ku hopi aña di eksperensia , FTA tambe ta un federashon meskos ku AFBW.
Komo federashon, miembronan di tur sektor por afiliá i bira miembro di AFBW, AFBW ke sigui krese i den laso di koperashon ku FTA bai diferente kurso nan huntu i sigui workshop nan ku lo wòrdu duna dor di FTA mes òf konhuntamente bai kursonan huntu kaminda ku esakinan ta wòrdu organisá.

AFBW su meta pa aña 2022 ta duna workshop i kursonan den diferente rango pa su miembronan di direktiva, shopsteward nan i na miembronan en general.
Mester organisá diferente estudio pa miembronan por eduká nan mes, den e diferente áreanan, manera den e mundu di sindikalismo mes, pero tambe sosial, laboral i ekonómiko.

Mester sigui traha riba futuro sindikalistanan, dor di forma mas hende pa por sigui karga sindikalismo aki na Boneiru. Tin hopi reto pa sigui atendé kuné kada dia di nobo.
Ku e akuerdo di koperashon aki AFBW ta mas fuerte pa nan miembronan i mas fuerte trahadónan ta, lo konstruí un mihó sosiedat kaminda e lucha kontinuo lo ta hustisia pa un i tur i ku rèspèt pa dignidat humano.

Palabranan di presidente di AFBW, Cherel Kwidama.
Riba e portada por mira na momentu ku ta entrega e protokòlnan firma, d.rp.d presidente di FTA, Hose Figaroa i presidente di AFBW, Cherel Kwidama.

Share This
error: Content is protected !!