KRALENDIJK– Fin di siman tras di lomba tabatin kompetensia di ‘Drift’ ku motosaikel na APEM, organisá pa ‘Nikiboko Real Stars’. E kompetensia a tuma lugá djasabra i djadumingu anochi.
Motosaikelnan mester a maneobra entre tayer  riba e flur i esun ku pasa e trayekto mas rápido ta gana. Ta trata di un kompetensia ku ta eksihí hopi bon dominio di e motosaikel. Djasabra a bai final, Urs Schultheiss i Rodirck Martis.
Urs a resultá esun ku a kore e bueltanan mas rápido e anochi. El a kore ku un tempu di 36.95 Sekònde i e kontrinkante a marka un tempu di 37.35 sekònde.
Djadumingu tabata e dia final i e kampion di e dia a resultá Roderick Martis, ku un tempu di 37.55. Na di 2 lugá a resultá Sheldion Nicolaas markando 38.90 sekònde. Total a partisipá 10 persona ku nan motosaikel. Durante ámbos dia di kompetensia, Maurison Martines, a pone show ku su ‘Quad’, hasiendo algun kos, ku ta bon pa hende mira i no purba na kas, manera ta bisa.
Komo organisadó, ta gradisí ‘Nikiboko Real Stars’, Flamingo TV, Triple Threat heavy Equipment Constrution, pa nan koperashon i tambe danki na Mac. Tremendo tabata kada partisipante i nos ta gradisí nan. E siguiente kompetensia ta dia 27 i 28 di novèmber. Mas despues ta informá di e aktividat siguiente, na e mes un sitio, ku ta APEM.
Share This
error: Content is protected !!