Selibon a tuma nota ku kapasidat di e stashon di separashon di shushi na Hato a bira limitá. Pa e motibo akí a disidí di amplia e sitio aktual kaminda tabatin un kònteiner di separashon di 20 pia, pa un kònteiner di 40 pia. E konteiner anterior di 20 pia tabata yena hopi lihe i pa e motibu a disidi pa kambia esaki pa un konteiner mas grandi. E forma kon habitantenan i turista ta hasi uso di e fasilidat aki ta motiva Selibon pa kontinua ku e trabounan di separashon di shushi. Selibon ta sumamente kontentu ku tur e esfuersonan di habitantenan di Boneiru pa ku separashon di shushi i lo sigui traha pa pone mas kònteiner di separashon di shushi den mas bario pa asina sigui stimula i fasilitá habitantenan pa separá nan shushi den bisindario di nan kas.

Na momentu ku separá mas shushi pa resiklahe, fluho di shushi ku ta drenta nos lentfel pa keda derá ta baha mas tantu. Separando bo shushi bo ta aportá na un medio ambiente sano i un Boneiru limpi i bunita. 

Share This
error: Content is protected !!