20 di novèmber, un fecha importante kaminda ku mundialmente ta tira lus riba e derechonan di mucha. Nashonnan Uní a deklará universalmente e dia aki komo dia di mucha. E enfoke riba e dia aki ta mucha su bienestar den tur sentido di palabra.
Fundashon Kuchara méskos ku añanan anterior ta para ketu na e derecho spesífiko edukashon ku naturalmente ta enserá enseñansa. E aña aki e tema ta: UN MIHÓ FUTURO PA TUR MUCHA, netamente e meta di FK ku diariamente trabou ta keda hasí pa logra esaki. FK ta kere i ta konvensí ku ta den e edukashon i enseñansa e kaminda i posibilidat pa un mihó futuro p’e mucha ta sinta. Tambe FK ta di opinion ku pa logra esaki e mucha mes su partisipashon ta di vital importansia. E derecho di siña i di ta protehá ta indispensabel pa e mucha alkansá i logra su potensial.
Riba e dia importante aki un bes mas FK ta hasi un yamada na komunidat den su totalidat pa duna e mucha na Boneiru un man pa yud’é traha riba un fundeshi sólido pa su futuro. 
Pabien na tur mucha na mundu ku e dia aki, speshalmente dediká na nan.

Share This
error: Content is protected !!