E konsehalnan Din Domacassé i Edison Ellis a bai kurso di papia den públiko. Ta algu bon i e maestro ku a duna e kurso ta unu ku konosé e materia. Ta di aploudí ku tin e kurso aki. Sin ku e konsehalnan a mustra nan abilidat riba e tereno di papia den públiko por a tende kon a hasi chèrchi. Nan sigur ta ehèmpel di konsehalnan ku ke hasi nan trabou na un manera bon i dokumentá riba e tereno ku nan ta dominá. Papia den Konseho Insular ta distinto ku papia na bar, snèk i bou di palu. Kisas no ta konosí ku e dos konsehalnan sa tambe ki momentu mester hiba debate, pero lamentablemente debatenan ta sumamente tiki den konseho Insular. Papia den públiko i debatí no ta fásil i ta rekomendabel pa den enseñansa sigur den klasnan di èksamen esakinan ta den kuríkulo. Mi ta di opinion ku ta bai tende mas di e konsehalnan Domacassé i Ellis nan momentu ku nan materia ta tópiko di diskushon den Konseho Insular. Awor ta na partido MPB pa duna seshon di papia den públiko i kon hiba debate i kon lesa dokumentu. Si tur ku ta aspirá pa subi lista i yega na drenta Konseho Insular ta bon pa bai kurso.Esaki ta importante pa pueblo sa pa ken vota. Tempu di yena lista pa impreshoná a pasa. Bonaire mester di konsehalnan ku por papia den públiko i hiba debate ku polítikonan di otro isla i Hulanda. Mi ta duda ku esnan ku ta hasi chèrchi por hiba debate i papia den públiko.

Share This
error: Content is protected !!