Kralendijk – Desde awor te ku 3 di yanüari 2022 Gezaghebber a anunsiá medidanan nobo pa COVID-19. E medidanan nobo aki tin influensia riba nos, e manera ku nos por
ehekutá nos trabou i nos servisio na kliente. Ta deskonsehá pa bishitá ofisina di WEB Pa minimalisá e rísiko pa propagashon di COVID-19, nos ta deskonsehá pa
bishitá nos ofisina. Esaki ta konta spesialmente pa gruponan di rísiko manera grandinan i personanan ku resistensia abou. Evitá kontakto físiko mas ku ta posibel!
Regla bo asuntunan ku WEB preferiblemente for di kas i uza “online banking” pa hasi pago di kuentanan. Bo tin pregunta òf ta buska informashon, tuma kontakto ku nos
departamentu di servisio na kliente via info@webbonaire.com òf +5997158244. Paga “online”! Paga seif for di kas 24/7 via di “online banking”. Tene na kuenta ku mester
hasi pago di kada faktura apart. No por hasi kombinashon di 2 faktura. Mas informashon i instrukshon pa hasi pago via “online banking” ta disponibel riba nos wèpsait www.webbonaire.com òf riba nos página di Facebook. Bishita nesesario na kantor di WEB Si ta nesesario pa bishitá nos ofisina prinsipal na Playa òf nos kantor na Rincon, mester tene kuenta ku: 1.5 meter di distansia, tapaboka ta obligatorio i bini solamente si bo no tin síntomanan manera keintura, tosamentu i nistermentu. WEB ta permití solamente un kantidat di hende pareu na ofisina. P’esei lo
repartí un máksimo di 30 karchi di entrada. Na momentu ku alkansá e máksimo aki, bishitantenan mester bandoná e sitio i regresá na otro
momentu. Kaha i bali di informashon Entrante 29 di november lo tin 1 kaha i 1 bali di informashon habrí. Paga tinu!: bishita na bali di informashon ta bai solamente pa medio di un sita.
Pa traha sita por tuma kontakto via info@webbonaire.com. Seguridat di kliente i personal ta na promé lugá. WEB ta kumpli ku e medidanan aktualmente na vigor pa COVID -19. Proyektonan pendiente ta keda ehekutá bou di kondishonnan adaptá. Interupshon den servisio di distribushon di awa, awa di kloaka i koriente ta keda resolvé. WEB ta gradisí pa e komprenshon. Huntu nos ta mantené otro seif!

Share This
error: Content is protected !!