Mas o ménos 140 Militar di Ehérsito Real na e momentunan aki tin ehersisio na Kòrsou. Nan no ta parti di e ‘Compagnie in de West’ di Defensa, ku ta permanentemente presente den Region Karibe. E unidat prinsipalmente lo ehersé ehersisionan (di tiru) riba e isla ademas di aktividatnan  pa ekstendé nan abilidatnan mas ayá. E ehersisio ‘Caribbean Poacher’ lo dura di 1 te 10 di desèmber, pero ya a kuminsá e siman aki ku un programa di aklimatisashon, pa kustumbrá ku entre otro e temperatura i e humedat di Kòrsou.

 Gran parti di e unidat ta konsistí di asina yama (‘verkenners’) eksploradornan, ku durante e tarea lo ta e ‘orea i wowonan’ di e Komandante.  E tarea aki nan mester por ehekut’é tur parti rònt mundu, asina tambe den áreanan di kalor. Pa motibu di e tereno ku ta un reto i e sirkunstanshanan klimatológiko, Kòrsou ta altamente ideal pa ofresé e Militarnan un programa di ehersisio úniko. Ademas di trein nan abilidatnan, e Militarnan lo duna nan límitenan un empuhe mas ayá, físikamente i mentalmente, i esaki den un área nobo pa nan. Tur esaki pa ta kapas pa funshoná den sirkunstanshanan deskonosí, haña konfiansa den nan mes i nan koleganan, i pa fortalesé e sentido di unidat.

 Orígen

E unidat den e ehersisio pa mayor parti ta konsistí di Militarnan di Brigada 43 di Eskuadron di Eksplorador (43 BVE), den kual un parti a keda agregá di 44 Regimentu Blindá di Infanteria di batayon ‘Prins Johan Willem Friso’    (44 Painfbat RI PJWF). Tur e unidatnan ta parti di Brigada Motorisa 43, stashoná na Kazèrne Johannes Post na Havelte, Hulanda.

Share This
error: Content is protected !!