MANTENSHON DI MEDIDANAN DI CORONA

Riba djabièrnè 26 di novèmber a tene un kòntròl na vários sitio i establesimentu di hóreka, enfoká riba covid-19 i sero toleransia. Na un evento di sòftbòl i di bolas tabatin algun persona presente ku tabata tene nan mes na e reglanan vigente. Na un establesimentu di hóreka situá na Punt Vierkant personal di e departamento di Supervishon i Mantenshon di OLB a pidi asistensia komo ku tabata hopi drùk. Tabatin mas o ménos 300 persona presente i riba e pista di baile hendenan tabata para pèrta riba otro. Nan no tabata tene nan mes apsolutamente na e distansia di 1,5 meter. A supliká e hendenan pa bandoná e sitio. Nan no a duna oido mesora na esaki i algun tabata asta keha ku nan a paga pa entrada. Alfinal a logra saka e hendenan sin niun problema. Despues e personal di e departamento di Supervishon i Mantenshon di OLB a sigui atendé.

Alrededor di algu promé ku 1 ordi mardugá riba djasabra 27 di novèmber, a drenta notifikashon di aglomerashon na Lagun. Na yegada na e sitio tabatin hopi hende, skuter i outo presente. Tambe tabata toka muzik duru den e outonan. A logra laga tur e hendenan bandoná e sitio. A papia di manera estrikto ku un persona riba su aktitut, komo ku tur biaha ku polis tei presente e tin algu di bisa. Mas aleu tur kos a kana sin problema.

Despues e patruya a bai direkshon di Seru Largu. Aki tabatin un grupo chikitu ku no tabata kousa molèster.

Algu mas lat, alrededordi 1.55 or di mardugá, notifikashon a drenta ku tin hopi hende na Te Amo Bich i ku ta tokando muzik duru. Aki tambe a pidi e multitut pa bandoná e sitio. Algun persona a keda para i no a duna oido. Alfinal a logra pa tur hende bandoná e sitio.

DETENSHON PA LADRONISIA DI BAISKEL

Alrededor di 1 or di mardugá riba djadumingu 28 di novèmber, a detené dos mucha hòmber  en konekshon ku ladronisia. Ta trata di e mucha hòmbernan di inisial J.P. di 19 aña i C.R.S.P. di 15 aña. Esaki a sosodé despues ku un patruya na warda a risibí notifikashon ku nan tabata koriendo riba Kaya Internashonal, riba dos baiskel ku probablemente ta prosedente di ladronisia. E patruya a sali en buska di e mucha hòmbernan aki i a topa ku nan riba Kaya Tambu. Tabata trata di 3 mucha hòmber riba 2 baiskel. Oranan a mira polis nan a kuminsá kore di manera peligroso i a bin kai. Ainda nan a purba hui, pero a detené nan. A konfiskáun di e baiskel pa mas investigashon.

OUTO TA RESULTÁ DEN PALUNAN RIBA BICH

Den oranan di anochi riba djaweps 25 di novèmber un aksidente ku un outo a tuma lugá riba Bulevar E.E.G. na altura di Donkey Bich. E shofùr a deklará ku e tabata bayendo den direkshon di Belnem na momentu ku nèt den e bògtpromé ku Donkey Bich, el a pèrdè kontrol, bai dal den e barankanan kantu di kaminda, bòltui bai resultá mei mei di e palu nan riba bich. E shofùr tabata stabil i ambulans a transport’é pa hòspital pa tratamentu médiko.

OUTO TA ALKANSÁ PEATON

Riba djabièrnè 25 di novèmber, sentral di polis a risibí notifikashon ku un outo a alkansá un peaton riba Kaya Industria Pariba. Ambulans a transportá e dama pa hòspital pa tratamentu médiko. Ta investigando kousa di e aksidente.

ATRAKO DEN KAS

Den oranan trempan di mainta riba djasabra 27 di novèmber, sentral di polis a risibí notifikashon ku un atrako a tuma lugá den un kas situá na Bulevar Gobernador Nicolaas Debrot. Tres hòmber ku kara tapá a drenta e kas i a mara e víktimanan. A menasá e víktimanan ku un arma di kandela i un machete. Durante di e atrako a kometé aktonan kontra moral ku e víktimanan. Ta investigando e kaso.

DAMA PÈRDÍ

Den oranan di mainta riba djadumingu 28 di novèmber sentral di polis risibí notifikashon ku tin un dama pèrdí den besindario di Rincon. Ta trata di Benjamina Neuman di 41 aña, ku kabei koló maron kla, e ta un tiki yen i ku haltura 1.60 meter. E ta ta spesial i no por orientá masha bon. A mir’é pa último biaha ku un shòrt koló  maron i un blusa koló krèm. E ta bibana Rincon i ta frekuentá Slagbaai. Kuerpo Polisial Hulanda Karibense mesora a inisiábúskeda di e dama aki i ta supliká un i tur ku amira òf tende di e dama aki, pa mèldu esaki mesora na 911 òf 715 8000. KPCN ta pidi pa ta alerta pa e dama aki rònt Boneiru i no solamente Rincon.

Share This
error: Content is protected !!