Kralendijk – Djárason 1 di desèmber 2021, hendenan riba 70 aña ku ta biba na Rincon por pasa e angua di buster sin sita. Esei por di 11:00 – 14:00 na e ofisina bieu di dòkternan di kas Castro na Rincon na Kaya E.B. Sint Jago 7.

Un hende por pasa e angua di buster si mas ku seis luna pasá el a pasa e di dos angua di corona. Si un hende a haña COVID-19 despues di e di dos angua, e ora ei e mester warda por lo ménos seis luna pa pasa e angua di buster.

Djasabra último, hendenan riba 80 aña por a pasa e angua di buster na Sentro Deportivo Jorge Nicolaas pa promé biaha. E departamento di Salubridat Públiko ta ofresé e angua di buster na Rincon, pasobra ta konosí ku pa sierto habitante di bario ta difísil pa bai Playa pa e angua akí.

Salubridat Públiko ta regla tambe e angua di buster pa hendenan grandi ku ta na un kas di kuido. Esaki ta bai den konsulta ku e kasnan di kuido i famia di e grandinan. Dia ku habitantenan di Boneiru por a pasa e promé i di dos angua di corona, tambe a pasa habitantenan di kasnan di kuido angua na e kas mes.

Djarason 1 di desèmber 2021, habitantenan di Cocari na Rincon ta na bùrt pa e angua di buster. No ta pasa nan e angua na e ofisina bieu di dòkter Castro, sino na Cocari. Hendenan riba setenta aña na Rincon ku ke pasa e angua di buster i no ta biba na Cocari, por pasa di 11:00 – 14:00 na e ofisina bieu di dòkter di kas Castro.

Hendenan riba sesenta aña por traha un sita via 0800 0900 pa pasa e angua di buster riba djasabra den desèmber. For di 4 di desèmber 2021 habitantenan di 70-80 aña ta na bùrt pa pasa e angua di buster. For di 18 di desèmber 2021 habitantenan den e edat di 60-70 aña ta na bùrt pa e angua.

No ta posibel pa pasa e angua di buster riba djasabra den desèmber 20201 sin sita. Den desèmber ketu bai habitantenan por pasa e promé i di dos angua sin sita riba djasabra. Bo tin pregunta tokante e angua di buster? Yama e ora ei 0800 -0900.

Share This
error: Content is protected !!