Un‘spagaat’ (splet) ya kaba ta doloroso. Un ‘spagaat’ duars ta pió. A bira tempu, pues, pa FCB haña un manera pa sali for di esaki.Un manera pa hasi esei ta pa NO traha 500 kas pa hür, sino 1500 kas pa bende. Si ta traha kas na gran eskala,e preis ta baha. Por hür e kasnan promé pa rekobrá tur gastu, pa despues bende nan pa preis preferensial na hürdónan.

Por finansiá esaki ku fiansanan di 0%a base di art. 89 FinBES. Pa logra esei e proménan ku mester koperá ta gobièrnu di Boneiru (OLB). Konseho Insular mester pasa un moshon den kua ta asumí responsabilidat pa bibienda públiko.Y ta akseptá esaki komo su tarea públiko.

Anto ta aya e kos ta stanka. Dikon OLB no kier koperá ku esaki, nos no sa. Pero e falta di koperashon aki ta forsaFCB pa buska su propio solushon, mayoria biaha mas kostoso. Nos Bonerianonan mes ta nos enemigu mas grandi. Esei no a kambia ainda.

Otro aspekto ta e nieuwbouwdi 200 kas di pueblo na Hato. Nos ta kontentu di tende ku nieuwbouwna gran eskala por fin ta bai tuma lugá. Mester a sosodé masha ten kaba. Pero pregunta ta si ta prudente pa traha tantu kas di pueblo na un solo sitio? No ta hopi mas mihó pa ‘spreid’ e kasnan den 5 òf 6 bario diferente?Eksperensia a siña ku muchu hopi kas riba otro ta krea ‘ghetto’ (= barionan yen di pobresay kriminalidat).

Probablemente ta kosta un tiki mas pa ‘spreid’ e kasnan. Pero no ta asina ku e bentaha sosial ta mas importante? Ademas, si e kasnan ta wòrdu trahá den diferente bario, e hürdónan por skohe unda nan kier biba. Pues e ta favoresé e klientela di FCB tambe.

Nos no ta di akuerdo ku e idea ku ta sirkulando último tempu ku OLB mester lanta un segundo organisashon pa bibienda públiko banda di FCB. Pasobra esei lo resultá den kontaminashon polítiko. A separá FCB estriktamente for di gobièrnu, pasobra polítikonan tabata kònkel kuné. Kompinchinan tabata haña kasnan, enemigunan nò. Bou di preshon polítiko a permití enorme atrasonan di hür te ku FCB tabata sufri pèrdidanangrandi.

Nos no mester bai bèk na e tempu di ántes ei. Pero a bira tempu sí pa FCB buska un salida di e splet doloroso entre ‘sosial’ y ‘ganashi’. Mester usa entradanan di hür solamente pa paga gastu di konstrukshon ku overhead. Despues bende nan pa preis preferensial y promové mas tantu posibel pa hende por kumpra y poseé nan propio kas. Esaki ta posibel asina ku OLB kuminsá traha huntu ku FCB. No pa tuma over direktiva di FCB, pero pa krea un mihó maneho di bibienda públiko den bon konsulta ku otro.

Y despues yuda FCB aktivamente pa realisá e maneho ei.

Share This
error: Content is protected !!