Manera FK a bin ta hasi durante su shete aña di eksistensia, e aña aki tambe FK ta informá tokante su programa i aktividat.
Naturalmente na promé lugá FK ta gradisí tur instansia, mayornan i guiadónan ku a hasi esaki posibel. 
Ku satisfashon FK ta tuma nota k’e trabou desplegá ku e proyekto ta duna fruta na guia muchanan ku nan  tareanan di kas i tambe ku materianan ku ta eksigí mas práktika. FK ta tuma nota k’e muchanan ta avansá i e motivashon ta krese. Esaki mes t’e motibu ku FK ta reuní i mantené  kontakto estrecho ku mayornan pa sigui stimulá e interes i importansia pa sigui duna guia, n’e muchanan. FK huntu ku mayornan tabatin un reunion eksitoso den kua a trata aspektonan manera enbolbimentu di mayor den edukashon i enseñansa, i guiadónan a elaborá riba materianan ku ta eksigí mas atenshon i práktika.
FK su lema ta ‘ Un mucha bon prepará i motivá ta na benefisio di futuro pa un komunidat’. FK ta konsiente di e tempu difísil aki ku ta afektando komunidat i mundu den su totalidat. E situashon aki no ta hasi e trabounan aki fásil, komo k’e medionan pa realisashon ta limitá. Pero danki na finansiamentu  di e proyekto ‘ Mi ta sigui krese’ pa medio di OLB, por a realisá un parti grandi di e trabounan di guia den e aña aki. Muchanan ta haña transporte pa bini lès i bai kas, i tambe tin guiadónan profeshonal ku ta yuda nan i stimulá nan pa presta. Un danki tambe ta bai n’e personanan aki ku a pone nan mes disponibel i tambe na tur esnan ku a duna den forma di material i  ekspertisio. Pa sera aña FK ta organisá un sena di pasku p’e muchanan. Den kuadro di esaki FK ta apresiá ku esnan ku por,  pa duna un aporte pa por realisá  e sena aki
Nos ta yama danki di antemano.

Share This
error: Content is protected !!