Di djaluna 29 di novèmber te ku djabièrnè 3 di desèmber, pa promé biaha a duna e treinen Kòntròl di riesgo na Hulanda Karibense. A duna e treinen for di e Instituto pa Seguridat Físiko (IFV). Den kolaborashon ku Kuerpo di Bombero Hulanda Karibense (BKCN), a duna e treinen na e kazèrne na Kralendijk. Kontroladó, empleado i spesialistanan for di Kòrsou, Sint Maarten i Hulanda Karibense a bini huntu pa siña mas tokante seguridat di kandela. Esaki a inkluí entre otro tèstmentu di plannan di konstrukshon en konekshon ku prevenshon di kandela, kòntròl di edifisionan den kuadro di uzo seif pa ku kandela, seguridat espasial i seguridat industrial. Meta ta pa ku esaki engrandesé konosementu tokante kòntròl di riesgo den e parti Karibense di Reino. Riba e imagen por mira dos dosente (te na man robes den ünifòrm blanku i patras den bistuario sivil) i e diferente partisipantenan di e kurso.

Share This
error: Content is protected !!