Kralendijk – Indebon mirando ku dianan di fiesta ta aserkando a tuma e desishon pa temporalmente stòp di sende lus na algun tereno deportivo. Terrence de Jong hefe di Indebon a trese dilanti ku 18 di desèmber 2021 ta e último dia ku lo sende lus na sierto terenonan deportivo pa loke ta trata e aña akí.

E terenonan deportivo kaminda temporalmente ta stòp di sende lus ta Stadion di Playa, vèlt di ElioFlores, Jossy Boekhoudt Ballpark i JulioAngela Ballpark (Little League).

Terenonan kaminda sí ta sigui sende lus ta Johan Cruyff Court na Tera Kòrá, mini vèlt Sylvio “Chio”  Semeleer na Nort’i Saliña i Johan Cruyff Court Luciano “Boy” Frans na Rincon.

Segun De Jong e desishon pa sende esakinan ta pa e hóbennan di bario por sigui praktiká nan deporte durante di nan fakansi.

Entrante djaluna 10 di yanüari 2022 lo kuminsá sende lus atrobe na tur e terenonan deportivo.

Ku esaki Indebon ta deseá tur deportista felis dianan di fiesta.

Share This
error: Content is protected !!