Djabièrnè 10 di desèmber 2021 Oil Trading Bonaire (OTB) i Kuerpo di Bombero Hulanda Karibense (BKCN) den kolaborashon ku e kompania di utilidat públiko lokal, ta organisá un tèst ‘live’ ku e sistemanan di seguridat di kandela riba e tanki nobo di kombustibel situá na aeropuerto di Boneiru. E tèst ‘live’ aki lo tuma lugá di 8 or di mainta te ku 12 or di mèrdia.

E tanki nobo di kombustibel ta intenshoná pa almasená kombustibel di avion i pa medio di e sistema di seguridat di kandela, ta kumpli ku standart di seguridat mas nobo. E sistema di seguridat ta konsistí di un tanki di sùplai di awa i un instalashon tékniko pa transportá e awa, pa asina fria e tankinan di kombustibel i pa den kaso di kandela, por paga esaki rápido.

Pa krea un situashon mas realístiko posibel lo uza skuma pa práktika durante e treinen di 10 di desèmber. Den kaso di un insidente ku e tanki di kombustibel ta uza skuma pa paga kandela konteniendo flúòr. Flúòr ta un elemento esensial ora ta paga kandela, pero no ta  faborabel pa medio ambiente. P’esei ta uza skuma pa práktika spesial sin flúòr durante e tèst ‘live’.

Komo ku insidente riba tereno di seguridat industrial ta eksigí ekpertisio spesial, ta organisá e treinen den kolaborashon ku departamentu di Seguridat Industrial di region di seguridat Rotterdam Rijnmond. E treinen kompletu ta kai bou di supervishon di Inspekshon di Ambiente di bida i Transporte (ILT), ku ta forma parti di ministerio di Infrastruktura i Maneho di Awa.

Share This
error: Content is protected !!