Kralendijk – E partisipantenan na e investigashon di long COVID ta kontentu ku nan por a konta ki tipo di keho nan tabatin despues di nan kontagio ku COVID-19. Den kaso di long COVID ta bai pa kehonan ku hende tin hopi tempu despues ku nan a haña COVID-19. Ta bai pa kehonan manera kansansio, falta di rosea i problema pa konsentrá.

E departamento di Salubridat Públiko a hasi e investigashon pa sa kuantu hende na Boneiru tin keho ainda hopi tempu despues di kontagio. E departamento ta spera di tin e promé resultadonan di e investigashon na febrüari 2022. For di 15 di novèmber te 3 di desèmber a entrevistá mas ku 500 siudadano na Boneiru tokante keho ku nan tabatin.

Siudadanonan ku ke partisipá ainda na e investigashon por registrá pa esaki. For di djaluna 6 di desèmber 2021 te ku 31 di desèmber 2021 nan por yama e number grátis 0800 0800. E ora ei nan ta haña un lenk ku pregunta ku nan por kontestá.

Pa e investigashon a entrevistá siudadanonan ku i siudadanonan sin keho. Un tim di 30 kolaboradó temporal a hasi e entrevistadonan pregunta.

Ta manda tur informashon Rijks Instituut voor Volksgezondheid en Milieu, RIVM. No ta manda nòmber di e  personanan entrevistá. Ora publiká resultado, tampoko no ta menshoná nòmber den esei. E departamento di Salubridat Públiko ta kontentu ku hopi hende a partisipá na e investigashon. Pa e departamento ta importante pa tin bista kua ta e kehonan ku hende tin hopi tempu despues di kontagio. I kua tipo di kuido òf deseo e siudadanonan akí tin.

Share This
error: Content is protected !!