Pa motibu di e situashon di Covid 19, Fundashon Nawati ta tene selebrashon di Dia di Nort di Saliña 2021 den forma di transmishon di un programa na televishon NosTV/Bonaire TV ribadjárason 15 di desèmber entre 12:00 pa 16:00 or, ku ripitishon na otro okashon.

E programa ku a graba adelantá lo duna atenshon na: hisamentu di bandera i kantamentu di himno di bario, palabranan di felisitashon di gezaghèber EdisonRijna i di diputado Nina den Heijer, honra Baluartenan di Bario 2021, felisitashon i orashon di pastor Marc, músika di mariachi i poesia, un grabashon di e banda Glenn i su Gang, orashon di sra. AnnieFrancees, diskurso di presidente i felisitashon di un norteño ku no ta biba na Boneiru.

Fundashon Nawati ta invitá tur habitante di nos bario Nort di Saliña i tambe tur norteño ku no ta biba mas den nos bario pa sintonisá NosTV/Bonaire TV djárason atardi pa sigui e presentashon grabá di Selebrashon di Dia di Nort di Saliña 2021.

 

Share This
error: Content is protected !!