Un konvikshon ku mester hasi algu pa yuda salbaguardiá e herensia kultural di Boneiru involviendo grandi i chikí. Pa logra esaki sra. Edith Strauss-Marsera, sr. Boi Antoin i sr. Evert Piar
a bini huntu pa pone e fundeshi pa lokual ku awe ta parke kultural i sentro edukativo Mangazina di Rei kaminda bo por eksperenshá i siña e kultura di Boneiru. Riba djaluna ultimo 13 di dezèmber 2021 Fundashon Mangazina di Rei a selebrá ku 25 aña pasa a lanta e fundashon pa por a hasi tur esaki posibel. A selebrá esaki ku un dokumental den kual a kompartí lokual ku e fundashon a logra. Fundashon Mangazina di Rei ta agradisido na tur ku a duna nan kontribushon balioso pa Mangazina di Rei por ta kaminda e ta awe. Al mismo tiempo Fundashon Mangazina di Rei kier hasi uzo di e oportunidat aki pa desea henter pueblo di Boneiru felis dianan di fiesta i un prospero kambio di aña. Ban sigui brasa, selebrá i kompartí e dushi kultura di Boneiru den 2022.

Share This
error: Content is protected !!