Willemstad – Den su reunion di 17 di desèmber 2021 Konseho di Minister di Reino di a nombra Señora Julisa Frans M.sc. komo miembro di Kolegio di supervision finansiero (Cft), riba proposishon di Sint Maarten i drs. Hans Hoogervorst komo miembro riba proposishon di Hulanda. Komo tal Señora Frans ta susesor di Señor Russell Voges, kende su periodo komo miembro a terminá dia 1 di òktober 2021. Señor Hoogervorst ta tuma lugá di Señor Henk Kamp, kende a retirá dia 24 di sèptèmber 2021, na momento ku el a bira Minister di Defensa den e gabinete demishonario Rutte III. Señora Frans i Señor Hoogervorst ta bira miembro di Kolegio di supervision finansiero di Kòrsou i Sint Maarten. Banda di esaki Señor Hoogervorst ta bira tambe miembro di Kolegio di supervision finansiero di Bonaire, Sint Eustatius i Saba i di Kolegio di supervision finansiero di Aruba (CAft).

Julisa Frans ta un konsehero (consultant) independiente i aktualmente e ta ehersiendo diferente trabou konsultorio. Komo tal e ta disponé di e konosementu i background nesesario pa su futuro aktividatnan di trabou. Den e periodo entre 2008 i 2021 Señora Frans a traha den vários funshon finansiero den Gobièrnu, entre otro komo Konsehero Prinsipal di Maneho Finansiero. Tambe e tabata responsabel tambe pa vários aspekto finansiero di e trabounan di rekuperashon despues di orkan Irma. Señora Frans tabata ademas miembro di e Komishon di Monitoreo, enkargá ku e proseso di monitoreá ehekushon di e pakete di reforma i tambe tene bista riba e totalidat pa Gobièrnu di Sint Maarten.

Señor Hans Hoogervorst, despues di un karera di hopi aña den polítika Hulandes, dies aña pasá a keda nombrá presidente di Konseho di Norma Internashonal di Accounting na Londen i miembro di Konseho di Stabilidat Finansiero. Di 2007 te 2011 e tabata presidente di direktiva di Outoridat di Merkado Finansiero di Hulanda (AFM). Promé ku esei e tabata Minister di Salubridat Públiko, den kua funshon entre otro el a introdusí un sistema di kuido nobo. Entre 2002 i 2003 e tabata Minister di Finansa i di 1998 te 2002 e tabata Sekretario Estado di e ministerio di Asuntonan Sosial. Promé ku esei, e tabata miembro di Parlamento (Tweede Kamer) pa VVD.

Share This
error: Content is protected !!