Kralendijk –Entidat Públiko Boneiru i spesialmente diputado Kroon ta sumamente kontentu ku e desaroyonan nobo ku último temptu ta tumando lugá na Departamento di Agrikultura, Krio di Bestia i Peska (LVV) bou di maneho di  Maurice Adriaens i su trahadónan.

E diputado enkargá ku LVV sr. Pablo James Kroon konhuntamente ku Maurice Adriaens a yega na eidea pa laga ilustrátur loke ta kai bou di LVV, esta krio di bestia,plantamentu i peska riba un muraya na e entrada parti paden di LVV.
E artista Ghislaine Monte a pinta un mural ku un diseño moderno ku ta reflehá e tareanan ku LVV ta enkargá kuné. Ku e akto simbóliko di un baño di shampaña diputado James Kroon den presensia di e hóben artista Ghislaine Monte, direktor di LVV Maurice Adraens i algun trahadó di LVV a desvelá e maravioso obra di arte riba e muraya na e entrada parti paden di LVV.

Share This
error: Content is protected !!