Denter di poko tempu, pa ta más eksákto for di promé di yanüari binidero, lo tin kambio den e konstelashon di e Hunta di Supervishon di Komunidat di Skol Boneriano.

 

Entrante e fecha menshoná, e Hunta di Supervishon lo wòrdu ampliá ku dos miembro más. Ta trata aki di señora Rosemarijn de Jong i señor Paul Rosenmöller.

 

Señora De Jong aktualmente ta laborá komo kordinadó di LOFO aki na Bonèiru. Señora De Jong lo bai okupá e funkshon di sekretario di Hunta di Supervishon.

 

Señor Rosenmöller denter di poko lo tuma despedida komo presidente di

”VO Raad” na Hulanda. E funkshon aki ela ehersé for di aña 2013. Señor

Rosenmöller ku hopi plaser ke duna un kontribushon na enseñansa di Karibe Hulandes. Ta p’esei e ta pone su mes disponibel komo miembro di Hunta di Supervishon.

 

Kolegio di Maneho i Hunta di Supervishon ta yama señora Rosemarijn de Jong i señor Paul Rosenmöller un kaluroso bon biní i ta apresiá nan disponibilidat pa duna un aporte na enseñansa di Bonèiru.

Share This
error: Content is protected !!