Kralendijk – For di djárason 22 di desèmber 2021, tur biahero di 12 aña i mas bieu for di Hulanda i Merka mester hasi un tèst di PCR dentro di kuarentiocho ora promé ku salida pa Boneiru i un tèst propio na yegada. E biaheronan ta haña un tèst propio grátis, nan mester hasi e tèst riba e dia di yegada na nan lugá di fakansi. Si nan tèst positivo, nan mester bai den isolashon i traha un sita na e departamento di Salubridat Públiko pa hasi un tèst di nobo. Boneiru ta intensifiká kondishonnan di biahe pa e isla pa retrasá yegada di e variante di omikròn.

 

Pa motibu di plamamentu rápido di e variante di omikròn, for di 22 di desèmber 2021 ta trata tur pais di riesgo haltu igual ku paisnan di riesgo hopi haltu. Esaki ta konta tambe pa Hulanda i Merka. For di djárason awor, tur biahero for di paisnan di riesgo haltu òf di riesgo hopi haltu ta obligá pa e di sinku dia despues di yegada hasi un tèst di PCR riba propio gastu na un kompania di tèst komersial, pues no na e departamento di Salubridat Públiko.

 

Biaheronan no bakuná for di paisnan di riesgo haltu òf hopi haltu obligatoriamente mester bai sinku dia den karentena propio. Despues nan mester hasi un tèst di PCR riba propio gastu na un kompania di tèst komersial, pues no na e departamento di Salubridat Públiko. Un biahero solamente por sali for di karentena den kaso di un resultado di tèst negativo. Tur biahero ku tèst positivo, mester bai den isolashon.

 

Último dianan a sali na kla ku e variante di omikròn ta plama mas rápido ku a kere. E departamento di Salubridat Públiko a deklará un tempu pasá ku e pregunta no ta si e variante akí ta bin Boneiu sino ki dia. Awor ku e variante di omikròn ta plama rápidamente, e kondishonnan di biahe mas severo mester retrasá yegada di e variante akí e isla.

 

E departamento ta spera ku en espera di e variante di omikròn mas tantu hende posibel ta pasa e angua di korona i e angua di buster. Asina Boneiu ta mihó protehá ora e variante nobo paresé na e isla.

 

Na e momentu akí tur kos no ta konosí ainda tokante e variante di omikròn. Sientífikonan sa si ku e variante akí ta plama dos pa tres biaha mas rápido ku e variante di delta. Esei ta nifiká ku e preshon riba hòspital i sobrá di kuido por oumentá konsiderablemente na momentu ku e variante nobo ta na Boneiru.

Pa e motibu ei, e departamento di Salubridat Públiko ta hasi un yamada na siudadanonan di Boneiru pa nan bakuná. E departamento ta hasi un yamada tambe na siudadanonan kompletamente bakuná pa pasa e angua di buster mas rápido posibel.

 

Bo no a pasa e promé òf di dos angua di corona ainda? Yama e ora e number grátis 0800 0900 pa traha un sita pa pasa angua. Bo ta kompletamente bakuná i no a pasa e angua di buster ainda? Yama e number grátis 0800 0900 i traha un sita pa e angua di buster. Bo tin keho? Yama e ora ei 0800 0800 pa un sita pa tèst.Bo no a pasa e promé òf di dos angua di corona ainda? Yama e ora e number grátis 0800 0900 pa traha un sita pa pasa angua. Bo ta kompletamente bakuná i no a pasa e angua di buster ainda? Yama e number grátis 0800 0900 i traha un sita pa e angua di buster. Bo tin keho? Yama e ora ei 0800 0800 pa un sita pa tèst.

Share This
error: Content is protected !!