A DETENÉ HÒMBER AGRESIVO NA HOTÈL

Den oranan lat riba djadumingu 19 di desèmber a detené un hòmber di inisial E.E.G. de G. Di 59 aña di edat, en konekshon ku maltrato, na un akomodashonturístikosituá na Punt Vierkant. E sospechoso tabata hasi fèrfelu na bar di e akomodashon aki i e personal a papia kuné tokante esaki. E no a duna oido na esaki i a sigui fèrfelá. Na dado momentu a yama personal di seguridat aserka ku a hiba e hòmberresèpsi ku basta lucha. Aki e sospechoso a maltratá e personal di seguridat.

 LADRONISIA NA 1000 STÈP

Entre algu pasa di tres i 3.15 or di atardi di djadumingu 19 di desèmber, deskonosínan a destruí e bentana di patras na banda drechi di un outo ku tabata stashoná na e sitio di sambuyá ‘1000 stèp’. E malechornan a bai ku un tas di lomba di kueru kolo krèm. Den e tas tabatin entre otro, kuater pasport, un ‘E-reader’ ku kaft di kueru maron, un pòtmòni kolo pretu i algun remedi. Ta investigando e kaso.

A DUNA TRAHADÓ DI HÓRÈKA BUT

Durante di un patruya den oranan di mardugá di djadumingu 19 di desèmber, agentenan a topa ku un establesimentu di hórèka ku tabata habri i tabata sirbi kliente bebidaalkohóliko alrededor di 1.15 or di mardugá ainda. E trahadó presente a haña un prosèsferbal pa violashon di e medidanan vigente en konekshon ku covid-19.

A DETENÉ TATA KU YU

Riba djasabra 18 di desèmber a detené un hòmber di inisial J.E.M. di 54 aña di edat i su yu, un hòmber di inisial E.E.M. di 24 aña di edat, pa insulto, maltrato i violensia públiko. Despues ku e duo a bringa na un kompleho di apartamentu, nan a subi outo kore bai, neglishando òrdu di e agentenan ku tabata presente na e kompleho di apartamentu. Un otro patruya a topa kunan ia duna òrdu pa para. Esaki tampoko nan no a duna oido na dje. Al final a logra blòkia eouto i par’e despues di kua tur dos a baha for di e outo, insultando e agentenan. A detenéámbos e ora ei.

ATRAKO NA BICH

Riba djabièrnè 17 di desèmber den oranan trempan di mèrdia un atrako na un bich situá na Bulevar Gobernador Nicolaas Debrot a tumalugá. Un hòmberdeskonosí a sorprendé un dama ku tabata sinta riba bich, a push’e for di su stul i a kore bai ku na pertenensianan. Esaki tabata entre otro un tas chikitu di lomba kolo pretu, un tas di lomba grandi kolo blou/shinishi, paña, dos pòtmòni ku vários tarheta i sènkèsh komo kontenido, un oloshi di marka Lorus, algun yabi i un tas di kámara ku den dje un kámara pretu di marka Panasonic Lumix, dos karchi di SD di marka Sandisk i un bateria èkstra pa e kámara. Ta investigando e kaso.

Share This
error: Content is protected !!