Willemstad – Djaluna 20 di desèmber 2021 otro detenshon a tuma lugá den e investigashon Inex 2.0. Tim di Aresto a detené e hòmber (38) den su bibienda debi na su envolvementu den e robo di droga for di warda di polis Rio Canario. Ta sospechá e hòmber di benta di e droga hortá pero tambe di envolvementu den ehekushon di e robo. E detenshon aki ta sigui dos otro ku a keda hasí dia 15 i 16 di desèmber. E sospechosonan ku a keda detené anteriormente entretantu a wòrdu presenta dilanti hues-komisario i lo sigui detené den SDKK. Ta investigá mas profundo e relashon entre e tres detenidonan.No ta ekskluí ku lo tin mas detenshon den e kaso aki. E hòmber ta detené bou di restrikshon i lo ser presentá dilanti hues komisario e siman aki. Den interés di e investigashon no por duna mas informashon na e momento aki.

Share This
error: Content is protected !!