Kralendijk – Djaweps pasá e tim di Water Circles a organisá un seshon informativo virtual pa propietarionan di yate. E meta di e seshon aki tabata pa duna informashon tokante e mishon di e tim di Water Circles i e solushonnan ku a ser proponé pa resiklahe di awa sushi na Boneiru. Tambe e tim di Water Circles a reakshoná riba preguntanan i preokupashonnan ku eproprietarionan di yate tabatin.

Water Circles ta un kolaborashon entre Wereld Natuur Fonds, STINAPA, Water en Energiebedrijf Bonaire (WEB), Entidat Públiko Boneiru (OLB), Fundashon Mariadal i Water Alliance. Huntu nan ta traha pa ofresé solushonnan alternativo pa e problema di awa sushi na Boneiru.

Durante e seshon informativo a presentá e resultadonan i rekomendashonnan di Marine Afvalwater Onderzoek 2021, ku a ser realisá pa Gerard van Erp. Por lesa esaki online:

https://www.boneiruduradero.nl/wp-content/uploads/2021/09/Marine-Waste-Water-Survey-Bonaire-2021_def.pdf

E tim di Water Circles ta di opinion ku mester atendé adekuadamente ku e echo ku doñonan di yate ta benta awa sushi afó den un forma ilegal. No mester sigui tolerá esaki i komo alternativa mester ofresé un servisio mobilario di pòmp. Tambe e tim tabata desapuntá den e manera kon e mensahe prinsipal a ser formulá den e artíkulo den Bonaire Reporter. Ta trata di artíkulo number 22, di 24 novèmber te ku 8 desèmber 2021. Segun e artíkulo, e sistema di pòmp awa ku a ser poné na Harbour Village Marina ta e solushon pa konservá e refnan. Esaki ta hopi eksagerá. E manera kon e informashon ta ser presentá den e artíkulo, ta ilustrá e propietarionan di yate komo e kousa di mas grandi di e problema di awa sushi na Boneiru. Nan no meresé tin un imágen asina.  E rekomendashonnan ku a ser presentá pa e tim di Water Circles, por forma parti di e solushonnan pa un strategia mas amplio di e maneho di awa sushi na Boneiru.

E meta prinsipal di e proyekto Water Circles ta pa no laga awa sushi alkansá nos oséano i forma un menasa pa refnan di koral, nos salú i nos seguridat. Water Circles ta pone énfasis riba buskamentu di solushonnan pa por resiklá e awa sushi den un forma adekuá pa asina e por ser usá mas biaha. E proyekto ku lo dura 3 aña, lo implementá 5 proyekto piloto pa desentralisá resiklahe di awa sushi, usando teknologia inovativo di resiklahe di awa sushi (ekológiko). E pilotonan eksitoso por fungi komo ehèmpel pa mas lokalidat na Boneiru i tambe den region. Tambe e proyekto ta enserá edukashon lokal di téknikonan lokal dor di presentá módulo tokante resiklahe di awa sushi durante nan estudio di MBO. Aparte di desentralisashon di resiklahe di awa sushi, tambe WEB ta traha huntu ku OLB pa krea solushonnan pa amplia e kapasidat di RWZI pa por fangu èkstra awa sushi. OLB a pidi finansiamentu pa por ekspandé e sistema di roi i pa desaroyá un vishon integral di maneho di awa sushi.

Un di resultadonan die meta prinsipal di Water Circles ta ku e struktura di tarifa mester ser revisá. Nan a proponé un subidadi rekompensa ora ku pasa anochi komo parti di un rekonstrukshon total di rekompensa di bishitante di Bonaire National Marine Park. STINAPA a entregá un proposishonna Entidat Públiko di Boneiruku ta trata un maneho nobo tokante sitionan kaminda ta mara boto. Esaki aktualmente ta ser evaluá. Mayoria pregunta i preokupashon nan ku e proprietarionan di yate tabatin ta tokante e maneho nobo ku a ser presentá.

E tim di Water Circles lo kompartí virtualmente un presentashon amplio ku kontestanan riba e preguntanan ku mas a ser hasí pa asina informá e propietarionan di yate mas mihó ku ta posibel.  E tim di Water Circles lo informá e komunidat di yatenan i públiko general regularmente tokante kambionan ku e proyekto aki ta trese kuné.Komunidat di Boneiru por tuma kontakto libremente ku e tim di Water Circles team via e-mail projectwatercircles@gmail.com.

 

Share This
error: Content is protected !!