DETENSHON EN KONEKSHON KU LEI DI OPIO BES

Alrededor di 11.15 or di anochi riba djamars 21 di desèmber a detené un hòmber di inisial L.C.C. di 20 aña di edat riba Kaya Dr. Girigorio Hernandez en konekshon ku violashon di Lei di Opio BES. E sospechoso tabata enbolbí den un aksidente riba e kaya menshoná. A pidié pa su papelnan pero e no por a mustra un reibeweis, prueba di seguro ni un prueba di identidat. Despues di kontròl mas aleu a topa ku un kantidat di yerba paresido na mariwana den su tas. A konfiská esaki.

 

*REKTIFIKASHON*

GOLFCART TA RESULTÁ DEN MONDI

Riba djamars 21 di desèmber, alrededor di 11.45 or di mèrdia un aksidente entre un golfcart i un outo a tuma lugá riba Kaminda Sabana Piedra Krus, na altura di Boka Onima. Un outo ku tabata biniendo for di Rincon bayendo direkshon di Playa, a dal den banda robes di e golfcart na momentu ku esaki diripiente kier a lora na su man robes. Dor di esaki e golfcart a resultá den mondi i e shofùr a kai for di den e golfcart. Personal di ambulans a trata e shofùr di e golfcart na e sitio mes.

Share This
error: Content is protected !!