Kralendijk – Biaheronan di 12 aña i mas bieu ku maksimalmente ocho siman pasá a haña COVID-19, mester hasi un tèst antígeno dentro di 24 ora promé ku salida na un laboratorio. Tambe nan mester tin un deklarashon di un laboratorio, un institushon di salú òf un dòkter komo prueba ku maksimalmente ocho siman pasá nan tabatin COVID-19.

Na yegada na Boneiru, nan ta haña un tèst propio grátis pa nan hasi na e lugá kaminda nan ta keda.  E di sinku dia despues di yegada, e biaheronan ku ta keda Boneiru mas ku sinku dia, obligatoriamente mester hasi un tést antígeno riba gastu propio na un kompania komersial. E dia di yegada ta konta komo dia 0.

Biaheronan di 12 aña i mas bieu ku maksimalmente ocho siman pasá tabatin COVID-19 i ta keda ménos ku sinku dia Boneiru, no ta obligá  pa hasi un tést antígeno riba dia 5. Naturalmente nan mester tèst si na salida segun e kondishonnan di biahe di e pais unda nan ta bai.

Tin un motibu dikon biaheronan ku a haña COVID-19 mester hasi un tèst antígeno promé ku salida. Den práktika ta resultá ku hendenan ku a rekuperá di COVID-19 ketu bai por tèst positivo si nan hasi un tèst di PCR. Ku un tèst antígeno e chèns ei ta mas chikitu.

Tur pasahero mester yena dentro di 24-12 ora promé ku salida e deklarashon di salú di e departamento di Salubridat Públiko.

Share This
error: Content is protected !!