Kralendijk – Manera ya a bira un tradishon, Maduro & Curiel’s Bank (Bonaire) N.V. a entregá e prestigioso rekonosementu, premio Anual di Mérito (“MCB Annual Award”). Un premio ku ta rekonosé un organisashon ku a sobresalí i/òf a hasi un impakto positivo den nos komunidat durante e aña aki. Ku e premio anual nos ke iluminá kosnan positivo ku ta tuma lugá den nos komunidat, pa duna rekonosementu i stimulá gruponan ku ta duna un aporte importante. Naturalmente e eskoho nunka no ta fasil, sabiendo ku tin hopi organisashon ku ta sobresalí i ku ta hasi trabou nan sumamente balioso.
E aňa aki nos a skohe komo ganador di e “MCB Annual Award” e organisashon Mantelzorg Bonaire.
Mantelzorg Bonaire ta un organisashon ku ta enfoká riba e pèrsona ku ta kuida un ser kerí, boluntario i ku amor. Nan ta ofresé un “luisterende oor”, sostén i informashon unda por akudí pa èkstra kuido i training.
Tur aňa riba 10 di novèmber ta duna èkstra atenshon ku e dia di tur mantelzorgers. Riba e dia aki, ta buta mantelzorgers den lus positivo pa duna nan públikamente rekonosementu pa e trabou sumamente balioso i boluntario. Hopi biaha nos ta lubidá di puntra e mantelzorger konta kuné i kon e ta sinti, pesei Mantelzorg Bonaire tei pa ta esun ku ta yuda i sostené. E aña aki ta di 3 aña ku ta duna rekonosementu i e enfoke tabata riba e mantelzorger ku ta kuida un persona ku dementie of elzheimer. Tabatin un seshon di “ban kòmbersá” ku un tema di interés i tambe a skohe pa bai na e trabou di e mantelzorger i sorpresé ku un regalo.
Pa MCB, selebrando su di 60 aniversario den 2022, ta un honor pa entregá e prestigioso MCB Annual Award 2021 na Mantelzorg Bonaire.

Share This
error: Content is protected !!