DETENSHON
Riba djasabra 28 di desèmber a detené un hòmber di inisial J.T.I. di 33 aña di edat na Kaya Mgr. Nieuwindt en konekshon ku violashon di Lei di Opio BES i Lei obligashon di Identifikashon. Un patruya ku a kore pasa kaminda tabatin un grupo di persona para a nota un holóstèrki di mariwana. Esaki tabata motibu pa a hasi un kòntròl den kuadro di Lei di Opio BES. Serka e sospechoso a topa ku un saku ku probablemente mariwana. Na momentu ku a pidié pa su prueba di identifikashon e no por a mustra esaki i a detené.

LADRONISIA DI PÒMP DI AWA
Riba djaluna 27 di desèmber a drenta keho di ladronisia di un pòmp di awa kolo blou for di den kura di un kas situána Tra’i Montaña. Deskonosínan a destruí e waya di kabritu i a bai ku e pòmp di awa. Ta investigando e kaso.

AKSIDENTE ENTRE OUTO I SKUTER
Riba djaluna, 27 di desèmber, alrededor di algu pasa di 9 or di anochi, un aksidente a tuma lugá entre un outo i un skuter na riba e krusada di Kaya Grandi i Kaya Aruba. Shofùr di e outo a deklará ku e tabata koriendo riba Kaya Grandi i kier a lora na su man robes pa drenta Kaya Aruba i no a mira e skuter ku tabata biniendo for di direkshon kontrali ku konsekuensia ku e skuter a dal den banda di pasahero di e outo. Ambulans a transportáshofùr di e skuter pa hospital pa tratamentu médiko. Brantwer a akudí na sitio komo ku tabatin gasolin basha riba kaminda.

ENTRADA HUDISIAL KU DETENSHON
Riba djamars 28 di desèmber a tene dos entrada hudisial. Un na un kas situá na Kaya Veronica kaminda a detené un hòmber di inisial R.P.S E. di 36 aña di edat pa sospecho di ladronisia. E otro tabata na un kas situá na Kaya Industria Pariba kaminda a detené un hòmber di inisial M.E.M. di 42 aña di edat en konekshon di sospecho di violashon di Lei di Opio BES i Lei di Arma BES. Investigashon ta andando.

DETENSHON DEN KASO DI ATRAKO TE AMO BICH
Riba djamars 28 di desèmber a detené un muhé di inisial S.S.T.G. di 29 aña di edat na Kaya Kòrsou en konekshon ku ladronisia ku violensia. E tabata enbolbí den e atrako ku atuma lugá 25 di yüli último na Te Amo Bich kaminda a atraká tres persona bou di menasa di machete i kuchú i a bai ku nan telefòn. Investigashon den e kaso ta sigui.

Share This
error: Content is protected !!