Forsanan Aéreo Hulandes na Febrüari 2022 ta haña na nan disposishon e MQ-9 Reaper. Ta trata di 4 base riba tera i 4 avion di inteligensia sin tripulashon. E aparatonan desde den laira por kolektá data i informashon. 

Defensa por lo pronto lo ehekutá tèst ku e sistema sin arma na Kòrsou.  Esei tin di haber ku e sirkunstanshanan di wer ku ta bentahoso i e disponibilidat di e espasio aéreo. Tambe e Reaper ya kaba por wòrdu desplegá den Region Karibe pa tareanan di Defensa.  Por ehèmpel na momentu di sosten na outoridatnan sivil  òf pa detekshon òf vigilansha. Den esaki lo kolaborá parsialmente ku Estádos Unídos, por ehèmpel durante operashonnan antidroga.

E avionnan i e 2 stashonnan di tera lo keda stashoná na Aeropuerto Hato. E 2 otro stashonnan di tera ta ubiká na Base Aéreo Leeuwarden. For di aki e imágen nan prosedente di Region Karibe ta keda analisá. E MQ-9 al final lo haña Leeuwarden tambe komo su base prinsipal.

E Reaper tin sensornan ku pa largu ratu por opservá tantu riba tera komo den laira riba laman i kolekta informashon, sin ku tin un piloto a bordo. Debí na e kòntròl via satélite e aparato por keda manehá rònt mundu. E sistema ta pas kompletamente ku e deseo di Defensa pa ópera a base di akshonnan militar impulsá pa informashon.

Share This
error: Content is protected !!