KRALENDIJK — Awe tardi despues di 6or a surgi un kandela den kashòt na JICN.
2 brantwer i 2 ambulans a drenta e instituto.
Polis tambe a keda dirigi ku urgensha pa e instituto.
Informashon ku nos tin te ku awo ta indika ku tabata tin un detenido den kashòt ku no tabata reakshonando na momentu di e kandela den e kashòt. Un trahado di JICN a bai saka e detenido for di kashòt en espera di ambulans. E situashon ta sigui tenso den e instituto. Tin 2 ambulans a drenta bai paden pa wak e situashon di e detenido i dikon e no ta reakshonando.
Entretantu a logra stabilisa e detenido.
E detenido a keda transporta ku urgensha pa hospital i nan ta bezig kune.
UPDATE: E detenido di fam M ta ok despues di un revishon mediko na hospital i lo bai wordu manda bek prizon.
JICN TA KONFIRMA E KANDELA KU TABATA TIN DEN E INSTITUTO.
Awe, djaweps 6 di yanüari, alrededor di 6.15 or di atardi un detenido a sende kandela den kashòt kaminda e tabata será. Brantwer tabatin e kandela rapido bou di kòntròl i a pagé. Ambulans a transportá e detenido konserní, bou di supervishon di trahadó di JICN, pa hospital pa kòntròl médiko. Algu mas despues un di dos alarma di kandela a zona na un otro departamentu pero esaki a resultá di ta alarma falsu. Ainda no ta konosí kon e detenido por a sende e kandela. Esaki mester sali na kla despues di un investigashon ku a andando. E detenido ta ileso i lo regresá awe nochi na e instituto.
Share This
error: Content is protected !!