Kralendijk – Na luna di novèmber 2021 Tourism Corporation Bonaire (TCB) a lansa un e-training nobo ku enfoke riba e sektor di biahe hulandes. E e-training nobo ta intenshoná pa proveé agensianan di biahe na Hulanda ku konosementu eksperto tokante Boneiru. E treinen interaktivo akí pa medio di video, kwes i pregunta ta guia agensianan di biahe te na un prueba final pa evaluá nan konosementu. E ora ei despues di e prueba e agensianan di biahe ta risibí un sertifikado balioso di konosementu.

E agensianan di biahe ku ta partisipá na e e-training outomátikamente ta partisipá na un sorteo tambe pa gana un estadia na nos isla. Seguidamente a base di nan total di punto e sorteo ta tuma lugá. E doñonan di hotèl di Boneiru a uni forsa pa ofresé diferente premio pa durashon di e treinen. TCB a kuminsá ku un promé premio ku tabata un estadia di 5 dia, ku un partisipante a  gana eksitosamente, i tambe un estadia di 7 dia. Awor akí e e-training ta ofresé un estadia di 3 dia te ku 28 di febrüari 2022.

Aña pasá e e-training a konta ku 604 registrashon di agensianan di biahe hulandes. For di e promé lansamentu di e e-training nobo na luna di novèmber, e aña akí mas ku 80 agensia di biahe a registrá pa partisipashon. E e-training ta habrí pa tur agensia di biahe na Hulanda i Bélgika. Gustosamente TCB ta ofresé tur agensia di biahe ku ke profundisá nan konosementu i bira eksperto di Boneiru e posibilidat pa deskubrí kiko e B di e islanan ABC tin di ofresé.

Pa mas informashon tokante e e-training nobo tokante Boneiru: https://ett.etraveltraining.eu/nl/Bezoekers/Trainingen/Details-training/3698/bonaire

Pa mas informashon tokante e premio aktual di e e-training: https://ett.etraveltraining.eu/nl/Bezoekers/Reizen-en-Prijzen/Details-prijs/612

Share This
error: Content is protected !!