KURSO GRATIS PA ORGANISASHON SOSIETAL, BOLUNTARIO, AKTIVISTA I PERIODISTA.

Fecha:            Djasabra, 26 di Februari 2022, 16:00 – 18:00 or.

Luga:              Terramar Museum Bonaire.

Kua tipo di kontribushon bo ta hasiendo pa komunidat? Of kua problema persistente bo ta mira na Boneiru? Bo tin pregunta tokante kon gobiernu a atende ku un sierto asuntu, i bo no ta logra haña informashon korekto i kompleto?

Lei ta obliga gobiernu pa praktika transparensia den su trabou. Ora gobiernu no ofrese klaridat, echo i argumento konkreto pa ku su desishonan – of falta di desishon – lei ta duna tur siudadano, NGO, periodista i tur otro persona ku tin un interes den e asuntu un instrumento den man pa haña e kontesta ku bo mester.

E instrumento ta yama Lei di Transparensia di Gobernashon (Wet Openbaarheid van Bestuur BES).

Djasabra, 26 di Februari, Konsiliare ta organisá un evento gratis pa tur hende na Boneiru ku ta aktivo den komunidat i ku ke haña sa mas di e lei aki.

Por ta bo ta traha ku mucha, den arte i kultura, den prensa, of ku naturalesa i ambiente, kisas bo ta un hoben aktivo of bo ta siudadano miembro di un partido, of bo ta boluntario ku hende den nesesidat, of ta kualkier otro topiko bo ta enbolbi den dje: e seshon aki lo ekipabo ku informashon esensial.

E kurso ta gratis, i na Papiamentu. E evento lo sigui si tin almenos 10, i al maksimo 20 partisipante.

Sigui nos pagina riba Facebook pa mas detayes, of whatsapp mesora na 795.2500, of manda un email pa info@konsiliare.com pa bo inskribi.

Share This
error: Content is protected !!