Kralendijk – Den futuro e personanan enbolbí ku ta okupando nan mes ku proyektonan di infrastruktura ke bai komuniká mas ku habitantenan di Boneiru. Nan ta bai topa ku otro mas tantu biaha tambe. Pa medio di hasi interkambio di dato ku otro ta sinkronisá plannan infrastruktural ku otro. Esaki ta resultado di un seminario di dos dia ku direktorado di Planifikashon i Desaroyo a organisá.

A habri e seminario ofisialmente ku diskurso di gezaghèber, di diputado James Kroon i di e direktor di direktorado di Planifikashon i Desaroyo, Roy Martina. Durante e seminario akí stakeholdernan riba tereno di infrastruktura, bibienda, medio ambiente, utilidat i siguridat mester a forma un vishon i hasi palabrashon tokante kon pa traha huntu den futuro. Durante di e seminario akí tabatin vários presentashon, kuenta inspirativo, diálogo i tayer. Esaki mester a inspirá e partisipantenan pa yega na un vishon komun i pa buska konekshon na un manera positivo.

Impakto di un kresementu enorme

E kresementu enorme dentro di e sektor turístiko i e poblashon di Boneiru ku den 10 aña di tempu a bira dòbel, tin un impakto visibel riba Boneiru su infrastruktura. Kada biaha Boneiru ta konosé mas formashon di fila i mas aksidente. Den e añanan binidero Boneiru ta para dilanti di algun tarea espasial grandi. Esaki ta eksigí un vishon kla, un mira integral i kolaborashon riba tereno di infrastruktura. Direktorado di Planifikashon i Desaroyo ta mira e seminario akí komo un komienso ofisial di un trayekto i forma di kolaborashon nobo kaminda gobièrnu lo ta esun ku mas ta duna direkshon.

I nan tin ku hasié… huntu ku e stakeholdernan

Awor akí tin un tim na direktorado di Planifikashon i Desaroyo ku ta okupá su mes ku organisashon i preparashon di proyektonan di kaminda. E tim ta un kombinashon di ingenieronan riba tereno sivil tékniko i profeshonalnan riba tereno di atministrashon di empresa. Den ámbos grupo di profeshon tin hende eksperensiá i hende ku a kaba di kuminsá riba nan tereno. Ku e yudansa nesesario e tim lo sigui traha ku e komponentenan ku nan a

kolektá pa forma un vishon, pero tambe pa organisá e forma di kolaborashon nobo akí na un manera efektivo i efisiente.

Na e seminario a partisipá: AquaPavement&GeotechnicalConsultancy N.V., Autocadtec, Bonaire HoldingMaatschappij, BOG/Heren2, BonairiaanseWegenbouwMaatschappij, Kuerpo di Bombero Hulanda Karibense, Deco, Don Andres N.V., Flamingo TV Bonaire B.V. Fundashon Cas Boneriano, Infrastructuur Bonaire, Kuerpo Polisial Hulanda Karibense, Departamento di Agrikultura, Krio di Bestia i Peska, Ministerio di Infrastruktura i Maneho di Awa (direktorado di kaminda i siguridat den tráfiko), Rijksvastgoedbedrijf, Selibon N.V., SoigneurAgency, STINAPA, TELBO,Vinui WEB Bonaire N.V.

E presentashonnan tabata na enkargo di:
–  Roland Bruijnesteijn, di direktorado di Planifikashon i Desaroyo,
– Jelle Postma di VINU, un profeshonal eksperensiá riba tereno di desaroyo di área i mobilidat.
–  Jerry Bhairo, un ingeniero hopi eksperensiá riba tereno di konstrukshon di kaminda di AP&G Consultancy NV
– Frank Kwanten, un empresario ku konosementu di futuro sostenibel for di e ambiente direkto di biba, ku atenshon pa e impakto individual i sosial.

 

 

Share This
error: Content is protected !!