Kampaña pa elekshon 2023 a kuminsá kayentekue palabra mágikoSèksi. E palabra ta  tremendo i ta trese diskushon pro i kontra. E ta fit den kultura di hóbennan.MPB su wowo di kariño ta balia pa e votadónanentre 16 i 29 aña ku e slogan Turismo ta sèksi. E punto ta ku den periodo di adolesensia.(16-25 aña) e hóben ke ta impreshonante, atraktivo, sensual, independiente,distinto i tòf  den su estilo di biba. Ta dòrná ku tatuahe, ta usa tablet, telefon i oloshi smart. Ta  riba èp, Instagram, Snapchat, Tiktok i Twitter. Tin paña, sapatu, brel, kadena i outo blits. Ta bebe bebida di energia, skucha músika moderno basá riba seksualidat. E hóben no ta mashá interesá den kultura, folklor, pasado, kòmbèk, weganan polítiko i mas di e kosnan antikuá ei.MPB ku tin konsehal, hefe di TCB i diputadonan  nèchi, bunita, atraktivo, sensual, impreshonante, sèksi i eksitanteta usa idioma pa mustra ku su pensamentu, ekspreshon  i e mundu di hóbennan boneriano ta kuadra ku otro. Ta hasi propaganda pa hóbennan bai traha den turismo, ta bini un proyekto piloto pa supsidio pa esnan ku ta hür serka un partikulir. Un banko ke pa hóbennankumpra un kas, FCB ta bai traha un edifisio pa 12 hóben biba bou di guia.No lubidá ku direktor di FCB ta afiliá na MPB i ta sostené diputado Nina, a ménos ku e nenga.E palabra sèksi ta kuadra den e proyektonan aki.UPB ioposishon tin ku komprondé ku dunamentu di tereno na último ora, drecha kaya i fasilidatnan deportivo òf tene disertashon largu i hasi bòshi pregunta den Konseho Insular sigur ta importante pero no ta nada sèksi. Kiko nos na Bonaire ke, un komunidat progresivo dinámiko i sèksi òf unu konservativo státiko chapo.

Share This
error: Content is protected !!