KRALENDIJK – Direktiva di Union di Penshonado pa Adelanto i Hustisia (UPAH), huntu ku Komishon di Aktividat (KOMAK) ta organisá djasabra awor, 21 di mei 2022, un mainta sosial pa miembro- i interesadonan. Esaki ta tuma lugá di 9or pa 11or di mainta na Sala Imelda di misa LaBirgen di Coromoto na Antriol.

KOMAK ta trata di kombiná e maintanan sosial ku un tópiko òf aktividat interesante. E biaha aki e mainta sosial ta den kuadro di moveshon pa promové salú di nos grandinan. Pa e motibu akí a invitá un fisioterapista di ‘Fisio di Bario’ pa bin duna informashon i introdukshon ‘kon nos penshonadonan por tin un bida saludabel di kalidat haltu, hasiendo moveshon na un manera responsabel’. Ta pidi un i tur ku ta deseá di partisipá pa bin bistí ku paña kómodo.

KOMAK i direktiva di UPAH ta invitá miembronan i demas interesadonan pa bin pasa un ratu ameno i interkambiá ku otro, disfrutando di un kòfi, te òf refresko. Tambe lo tin un delisioso sòpi. Tur esaki kompletamente grátis.

Share This
error: Content is protected !!