Den e kaso di e mucha muhé Boneriano pèrdí na Oropa, KPCN a traha intensivamente huntu ku INTERPOL. Esaki, entre otro, a kondusí ku e mucha muhé por a regresá Boneiru rápido. E ret di kolaborashon konsistiendo di e departamentu di Informashon i Ekspertisio di Kuerpo Polisial Hulanda Karibense i INTERPOL a mustra kon importante un kolaborashon stabil ta. Tin 194 pais afiliá na e organisashon mundial di INTERPOL, bou di kua tambe Hulanda Karibense. Sinembargo a hasi un apelashon eksitoso na trahadónan di Koninklijke Marechaussee i di e Ofisina Sentral Nashonal (NCB) na Hulanda, ku tabata dispuesto pa asistí.
For di 12 di aprel 2021, Kuerpo Polisial Hulanda Karibense, huntu ku Polis Hulandes i INTERPOL, a establesé un kolaborashon internashonal. E islanan Boneiru, Sint Eustatius i Saba, via e kontakto direkto ku INTERPOL, ta den kontakto ku e sede prinsipal na Lyon i ku agentenan polisial kasi rònt mundu. Dor di esaki agentenan polisial di KPCN mes por konsultá i suministrá e banko di dato di INTERPOL i asina interkambiá informashon rònt mundu di un manera seif.
Agentenan di intèl di Kuerpo Polisial Hulanda Karibense spesial di trein ta traha den e departamentu di Informashon i Ekspertisio. Nan ta forma e konekshon entre INTERPOL i e servisionan di mantenshon di lei na e islanan di Hulanda Karibense, Boneiru, Sint Eustatius i Saba. Pa kasonan di persona pèrdí i trabou di reshèrshi en partikular e unidatnan spesial aki i e kolaborashon rápido i efektivo den e ret polisial kompletu ta indispensabel. Den e kaso aki esaki a kondusí na hayasgo rápido di e mucha muhé pèrdí.

Share This
error: Content is protected !!