Kralendijk – Biblioteka Públiko Boneiru a amplia su kolekshon di buki ku vários buki pa beibi, mucha, hóben i adulto tokante diferente tópiko. Bou di e títulonan nobo pa mucha ta kai entre otro Lennox, Vrijdag Kom Ik Weer Thuis i Trots Op Haar! Adultonan por skohe entre títulonan nobo di eskritornan manera Frantz Fanon (The Wretched of the Earth), Gloria Wekker (Witte Onschuld) i Paulo Freire (Pedagogy of the Oppressed). Tur hende ta kordialmente bon biní na Kaya Gramèl s/n pa nan mes hasi un eskoho entre e bukinan nobo.

Pa bira miembro di Biblioteka Públiko Boneiru por inskribí durante un bishita na biblioteka òf por yama number di telefòn 715 – 5344. Miembresia te ku 18 aña ta grátis. Pa miembro mas grandi ku 18 aña un miembresia ta kosta $6,- pa aña. Biblioteka Públiko Boneiru ta invitá tur hende pa bira miembro i ta deseá tur su miembronan hopi plaser ku lesamen

 

Share This
error: Content is protected !!