Kralendijk – Djamars último Coca-Cola Kòrsou representá pa Best Brands

Bonaire, a presentá nan WK kampaña.  Na e okashon aki tabata tei presente representantenan di diferente prensa i tambe dos persona di FFB. Tambe Coca-Cola a hasi un donashon na Federashon Futbòl Boneiru (FFB) di 200 bala di futbòl.

Djadumingu ultimo 20 di novèmber  e espektákulo di futbòl mas grandi na mundu, na kua 32 pais lo kompetí pa e Kopa Mundial, a kuminsá. Coca-Cola ta e partner ofisial di e magno evento aki. Pa esaki Curaçao Beverage Bottling Company BV (CBBC) i Best Brands Bonaire a pone un imágen di futbòl riba tur refresko produsí lokal. Por spar i kambia e tapanan aki pa produktonan original di Coca-Cola, Powerade i Adidas.

 

Premio

Tur hende ku kambia 5 tapa di WK ta haña un lòt i ku esaki tin chèns di gana diferente premio. Riba 30 di desèmber próksimo ta rifa e premio prinsipal: un Volkswagen Saveiro 2023. Riba 1 di desèmber próksimo ta rifa dos televishon di 55” aki na Boneiru.

 

E itemnan ku e konsumidó por skohe ta un tas di lomba (rugtas) i tèrmu kùp (‘tumbler’) di Coca-Cola (5 tapa i 6$ pa item) i un ‘drawstring’ tas òf  bidon di Powerade (5 tapa i 1,25$ pa item). Adidas, Partner di WK, a pone pèchi disponibel pa 15 tapa sin pago.

 

Donashon

Tambe a hasi un donashon di 200 bala di futbòl na Federashon Futbòl Boneriano. Marvin Abdul a duna un heads-up na e organisashon aki ku a sa di buta futbòl di Boneiru riba un nivel hopi haltu e añanan tras di lomba. Netamente na e okashon aki tabata un momento perfekto pa hasi un donashon di 200 bala na e federashon pa asina sigui stimulá e deporte rei riba nos dushi isla Boneiru

Boneiru

Best Brands Bonaire ta ofresé konsumidónan Boneriano merkansia di Coca-Cola i Powerade i tin chèns riba diferente premio durante e loteria. E sorteo di e outo ta sera un dia promé teniendo kuenta ku tur lòt tin ku bai Kòrsou promé.

Sentro di kambio

Konsumidó por kambia nan tapa pa diferente item na Best Brands Bonaire situá na Kaya industria z/n. Esaki lo ta posibel entre djaluna pa djasabra for di 8am te ku 5pm non-stop

 

“Teamwork Makes the Dream Work”

Durante e presentashon Marketing Officer Marvin Abdul di Coca-Cola i best Brands Bonaire a ekspresá su gratitut pa e kolaborashon ku e diferente partnernan durante e WK kampaña aki. ‘E dicho ‘teamwork makes the dream work’ no solamente ta aplikabel pa futbòl pero prinsipalmente pa e sektor empresarial pa traha huntu i brinda konsumidónan un tremendo eksperensia. Futbòl ta un deporte di nos tur: pa yòn i bieu i di tur nivel sosial di komunidat. Meskos ku nos refresko produsí na Korsou. Tambe a gradisi El Mundo pa a brinda nos e espasio pa por a hasi e rueda di prensa aki posibel.

Pa pregunta ta posibel tambe manda mail na marvin@bestbrandsbonaire.com. Mas informashon relashoná ku e kampaña  Boneiru por haña riba  Facebook/BestBrandsBonaire òf yama e kompania na Kaya Industria na +599 717 9010.

Share This
error: Content is protected !!