Kralendijk– Sentro Akseso Boneiru den su afan pa ta serka di komunidat I organisá aktividat di desaroyo sosial, a drenta un kolaborashon ku plataformanan di bario pa asina hasi sentronan di bario aksesibel pa komunidat Boneriano.

Ku apertura di Sentro Akseso Boneiru den luna di yanüari 2022, e sentronan di bario I nan aktividatnan ta bini bou di enkargo di Sentro Akseso. Konhuntamente ku plataformanan di e diferente barionan a traha riba un struktura pa hasi e sentronan mas aksesibel posibel I krea espasio pa aktividatnan relashoná ku:

desaroyo kultural, sosio ekonómiko, rekreo I desaroyo di talento, kultura I deporte, infrastruktura I tambe seguridat.

Sentronan di bario ta kurason di nos komunidat, pa esei Akseso tei pa fasilitá uso di e esaki. Sentro di bario Amboina I Nort’i Saliña ta habrí pa aktividat pa mucha, hóben, adulto I grandinan. Pa hür di e sentronan di bario por drenta den kontakto ku e atministradónan di forma telefóniko òf por pasa na e sentro di bario. Por kontaktá atministradó di sentro di bario Amboina via 777-4141 I atministradó di sentro di bario Nort’i Saliña via 777-3749.

Aktualmente sentro di bario Nikiboko i Tera Kòrá ta será pa por kulminá trabounan di renovashon, mantenshon i limpiesa di forma ku por garantisá kalidat I tambe seguridat di kada bishitante.

Sentro Akseso lo informá pronto over di apertura di e sentronan pendiente I tambe aktividatnan di pueblo I pa pueblo.

 

Share This
error: Content is protected !!