Resientemente gezaghèber i minister demishonario di I&W, Cora van Nieuwenhuizen a duna e señal di komienso pa e proseso pa realisashon di un stashon di sensor Galileo. E stashon ta bini riba e tereno di WEB situá riba Queen’sHighway. Ministerio di Infrastruktura i Maneho di Awa a duna Rijksvastgoedbedrijf (RVB) enkargo pa diseño i ehekushon di konstrukshon di e proyekto. E stashon di sensor ta konsistí di 3 antena di skòter ku un diameter di 2.5 meter i huntu ku esaki un edifisio bashí ku espasio pa kòmpiuternan, reseptornan, espasio pa ofisina i un kas di warda pa personanan di seguridat.

Pa konstrukshon di e stashon di sensor Galileo tin nesesidat ekspertisio spesial komo ku mester ehekutá e konstrukshon bou di kondishonnan estrikto di Union Oropeo. Punto di salida ta ku RVB lo traha ku partidonan lokal, si esaki no ta posibel lo buska e ekspertisio otro kaminda. E kondishonnan estrikto no solamente ta aplikabel riba konstrukshon, pero ta konta tambe pa mantenshon i e servisio operashonal di e stashon. Konstrukshon di e stashon lo ofresé empleo lokal na kompanianan di konstrukshon, servisionan (seguridat i interferensia tékniko) i produktonan. For di EUSPA (European Union Agency for the SpaceProgramme) lo pasa konosementu ofer na e personanan ku ta bai traha na stashon di sensor Galileo.

Den kuadro di inovashon i naturalesa Ministerio di Infrastruktura i Maneho di Awa lo instalá un komishon di naturalesa den kua RVB, entidat públiko, WEB i Stinapa lo partisipá, ku e meta konhunto pa haña un balansa entre alokashon di e stashon di sensor i e naturalesa presente, ku rèspèt i atenshon pa naturalesa. Dor di kombiná ekspertisio i pone mannan huntu por sòru pa un bon integrashon di e edifisio den e área.  Ekspektativa ta ku konstrukshon di e stashon di sensor Galileo lo inisiá medio 2022. Un paso inovativo pa Boneiru den direkshon di astronóutika i data di satélite.

Kiko ta e sistema di nabegashon Galileo?

Galileo ta bai bira e promé sistema di nabegashon di satélite ku ta realisá den kolaborashon ku organisashon astronóutiko Oropeo, ESA  i Union Oropeo, pues no un sistema militar manera e GPS Merikano, E GLONASS Rusiano òf e Beidou chines. Banda di e servisio grátis i habrí pa referensia di tempu i determinashon di sitio, por pone Galileo disponibel pa otro servisionan komersial tambe. E proyekto di Galileo ta e proyekto atronóutiko di mas grandi ku a yega di eksistí i ta mas  minusioso ku GPS.

Entretantu a hinka 26 di e 30 satélitenan den órbita rònt di mundu. E komishon Oropeo a skohe Boneiru komo lokalidat pa realisashon pa un di e stashonnan di sensor di Galileo (GSS). Na e momentunan aki Fransia tin a mayoria di e stashonnan di EU i ta di importansia tambe pa pidi un otro estado miembro.

Astronóutika i Boneiru

Si banda di e stashon di sensor Galileo e ministerio di I&W sa di trese e TelemetryTrackingandCommand (TT&C) Boneiru, lo sigui un próksimo paso den desaroyo riba tereno astronóutikai di data di satélite na Boneiru. E fasilidat tin un skòter di antèna ku un diameter di 14 meter i ta sòru pa e konekshon entre e satélitenan i e fasilidatnan riba tera. E ta vigilá e status, e kòntròl i ta determiná e lokalidat di e satélitenan. Espektativa ta ku medio Sèptèmber lo bin mas klaridat tokante esaki.

Share This
error: Content is protected !!