ULTIMO ORA:BONEIRU.
KASO DI TIROTEO KU UN HERIDO.
Manera nos a informa kaba un kaso di tiroteo a tuma lugar enfrente di un cafe na altura di kaya nikiboko noord djaluna marduga alrededor di 1 am.
Un homber ful na pretu bisti y kara tapa a sali for di un kas no habita parti pariba di e cafe y a kuminsa los tirunan dirigi riba un homber di inisial J.F. miho konosi komo bombo.
Diferente testigu na e sitio mester a sak abou pa bala no alkansa nan.
E sospechoso a los sigur 3 tiru prome ku ela kore tras di su viktima kaminda ela bolbe los 2 tiru mas den su direkshon.
Polis ta investigando si e viktima tambe lo a los tiru bek riba esun ku a tira riba dje.
E viktima ku a risibi entre 3 perforashon di bala a kore y a bai kai pega ku e porta di entrada di pachi’s place.
Aki nan e sospechoso despues di tabata persigi su viktima a kore bai perde den mondi ey banda.
E viktima J.F. di 20 anja di edat a hanja bala na altura di su kara , lomba y barika.
Ambolans a presenta mesora pa duna e viktima prome asistensha.
Awe mainta a transporta e viktima pa Colombia pa tratamentu mediko mas avansa.
Su situashon ta stabiel y milagrosamente ela skapa.
Polis ta investigando kiko eksaktamente a kondusi na e tiroteo tambe.
E investigashon ta den ful swing y lo no dura masha ku detenshon lo bai kai relashona ku e kaso aki.
Basta persona ku tabata na e sitio durante di e tiroteo a skapa ku bala no a alkansa nan.
FUENTE: AIMED AYUBI.
NOTISIA KU BO POR KONFIA.
RIBA NOS APP Y FACEBOOK PAGE TIN POTRET.
KORDA LIKE E FB PAGE PABO SIGI HANJA NOTISIA.
