BONEIRU.
UPDATE KASO DI ATRAKO.
POTRET DI E TAS KU NAN A BAI KUNE DEN KUAL E $60.000 PA $70.000 TABATA. 
Pa medio di esaki un update riba e kaso di atrako ku a tuma lugá ayera (djaluna 17 di yüli, 2015) riba dos persona di un kompania di siguridat ku a bai depositá sèn dilanti di un banko situá na Kaya L.D. Gerharts.
E foto athunto ta mustra e tas ku e sèn tabata aden i ku e atrakadónan a logra bai ku n’e despues ku a menasá e dos empleadonan ku arma di kandela. Si kualke persona mira e tas aki ta pidi por fabor pa tuma kontakto ku polis na e number di telefon 717-7251. (nos diskulpa pa e kalidat di e potrèt)
Awe den oranan di mainta helikòpter lo bula riba riba Boneiru, esaki ta den kuadro di e investigashon di e atrako kometé ayera. E helikòpter lo bula hopi abou na vários sitio riba nos isla pa asina for di e helikòpter aki hasi sierto registrashon i investigashon.
FUENTE: AIMED AYUBI
FOTO DI POLIS.
