ULTIMO ORA: KOALISHON DI PATIA FORMA PA DP Y UPB DEN PROBLEMA Y LO POR KIBRA UN ORA PA OTRO.

Notisia LIVE 99 a kaba drenta ku e informashon ku tin un krisis formal den seno di e koalishon aktual forma pa UPB y DP.
E problema ta mas den seno di UPB ya ku e miembro di konseho insular dr Esther Bernabela lo no ta kontentu kon kosnan ta desaroyando riba nivel di gobernashon.
Awe nochi mester a tuma lugar un reunion di konseho insular y sra Bernabela no a presenta y no tabata por a forma quorum y reunion a para.
For di fuente nan bon na altura di e situashon politiko aki na Boneiru nan a bisa notisia LIVE 99 ku ta kuestion di algun ora mas pero ku e situashon a empeora asina tantu ku ya e konfiansa no tey mas.
Un ora pa otro lo mester sali un karta ku ta indika ku sra Bernabela no ta sostene e koalishon di patia mas.
Pero esaki ainda no a yega asina lew.
E situashon ta di atenshon.

Semper ta asina ku si bini un kiebro mes ta esun ku a kibra mester forma e gobiernu bek.

Tin sierto indikashon ku ta mustra tambe ku si koalishon di patia kai, anto ku tur probabilidat sra Bernabela lo por forma un koalishon nobo ku MPB ku tin 3 asiento y ku e 1 asiento di Nunu Raphaela ku lo totalisa 5 asiento ku lo ta un mayoria nobo.

Nos lo mantene pueblo di Boneiru y nos oyentenan informa.

IMG-20160428-WA0060_wm

FUENTE: AIMED AYUBI.

NOTISIA KU BO POR KONFIA.

Share This
error: Content is protected !!