TA BUSKANDO UN SOSPECHOSO MAS DEN E KASO DRUM

Written by on

ULTIMO ORA.

BONEIRU.

O.M. TA BUSKANDO UN SOSPECHOSO MAS DEN E KASO DRUM.

Update kaso Drum
Den kuadro di e investigashon DRUM tin 6 sospechoso den detenshon preventivo. A base di e resultadonan di e investigashon ku tin te na e momentunan aki, por konsiderá un hòmber mas komo sospechoso. E tim investigativo den e kaso DRUM ta buskando e hòmber aki. Ta pidi komunidat pa yuda haña e hòmber aki òf pa mèldu si sa unda e ta kedando. Ta trata di:
– un hòmber di desendensia Venezolano,
– ku kabei pretu kòrtiku pretu (liso),
– Altura mas o ménos 175 cm,
– Edat mas o ménos 25 à 30 aña
– Postura delegá,
– Koló brùin kla,
– ku un tatuahe ku e palabra “ Iverson” òf “Anderson” òf “ Jaiveyson” probablemente na su brasa,
– ku probablemente tatuahe riba su pechu (leter),
– e hòmber probablemente tin e nòmber di kariño Kike.
Si bo tin informashon òf a mira e hòmber aki ta importante pa bo mes no aserk’é, pero yama polis si bo tin informashon riba unda e hòmber aki ta kedando.
Ministerio Públiko ke enfatisá ku ta kastigabel pa lei pa skonde òf yuda un persona ku a kometé un akto kontra di lei pa skapa for di man di polis i hustisia.
Entretantu e barku di defensa De Pelikaan a yega Boneiru for di Kòrsou pa yuda den e investigashon.
Manera ya a keda menshoná,den e kaso hopi serio aki Fiskal mayó ta ofresé un rekompensa di $ 10.000.
Esun ku tin e tep ku ta kondusí na detenshon i/òf persekushon penal di un òf mas sospechoso den e kaso aki ta bini na remarke pa rekompensa. E suma di e rekompensa ta dependé di e kontribushon di e tep pa loke ta trata e investigashon aki.
Pa e atrako i tiroteo ku konsekuensia fatal pa un agente polisial den e anochi di 17 di ougùstùs den e bario di Sabadeco polis a pone un liña di tep speshal na disposishon. Personanan ku por ta den peliger serio òf pa otro motibu urgente por duna nan informashon solamente di forma anónimo, pa e kaso spesífiko aki por yama direktamente e servisio di inteligensia (Criminele Inlichtingen Dienst). E departamento di polis aki tei pa garantisá anonimidat di hendenan ku ta duna tep. Pa esaki por bèl e number 795-5746.
Por hasi uso di e number di tep general di polis ku ta 717-7251.

FUENTE: O.M.

NOTISIA KU BO POR KONFIA.

Share This

Current track

Title

Artist

error: Content is protected !!