ULTIMO ORA.
BONEIRU.
UPDATE KASO DI TIROTEO.
E VÍKTIMA A FAYESÉ.
PROMÉ KASO DI ASESINATO PA AÑA 2018.
Relashoná ku e kaso di tiroteo ku a tuma lugá algu promé ku 8pm na kaya Kitara den Nikiboko, e hòmber ku a risibí herida di bala a bin fayesé na hòspital.
Notisia Live FM for di su fuente nan a haña konfirmashon ku e hòmber na bida yamá Jesus Jouaquin Josephia alias Pado nasé dia 21 di april 1978 di 40 aña di edat a bin fayesé a konsekuensia di e herida nan di bala ku ela risibí.
Informashon ku nos ta disponé di dje ta indiká ku e víktima tabata tin sigur 2 herida di bala na su kurpa.
Un herida na altura di su heup i tambe na altura di su lomba.
E víktima a pèrde basta sanger tambe.
Dòkter nan a hasi tur posibel pa skapa su bida pero nan no a logra den esei.
E investigashon ta den ful swing i tin sierto vershon ta sirkulá kaba den kaya di kiko lo por a pasa.
FORSA NA E FAMIA NAN DEN E MOMENTU NAN DIFÍSIL AKI KU PÈRDIDA DI NAN SER KERÍ.
FUENTE: AIMED AYUBI.
NOTISIA KU BO POR KONFIA.
