KRALENDIJK – Dionald “Dio” Nicolaas i su señora a skohe e fecha 1 di òktober pa bendishoná i ofisialisá “Blessing Transport B.V.”, nan kompania. Ta trata di un vehíkulo paresido na un bùs ku ta transportá hende sea den ròl stul, i tin stul pa hende por sinta. Despues di Santu Sakrifisio di misa na Kapèl awe mainta, Pader Vikario Santiago Malagon a hasi orashon i bendishoná e vehíkulo ku awa bendita. Esaki a sosodé dilanti di Kapèl den presensia di tur esnan kende tabata na misa. Seguidamente Dio a spùit poko shampaña riba e vehíkulo i a kòrtá sinta. 
Winifred “Wini” Angila i Anna Silberie tabata padrino i madrina.

Potrèt ta duna un bista di e momentu.

Share This
error: Content is protected !!