KRALENDIJK – E tim di sòftbòl di Fundashon Mariadal, den torneo di sòftbòl komersial na Aruba fin di siman pasá, partisipando pa promé bia den e torneo aki, por sierto e torneo di sòftbòl komersial mas grandi di Aruba, a yega final di e torneo invikto i keda di dos lugá o sea supkampion di e torneo.
Fundashon Mariadal den nan promé partido di e torneo, a sali blankia Aruba Bank ku skor di 14-0.
Den su di dos partido di e torneo Fundashon Mariadal a gana di Marriott Aruba ku skor di 9-2 i pasa pa semifinal invikto.
Den semifinal Fundashon Mariadal a gana di Duane Aruba ku skor di 14-1 i pasa pa final di e torneo invikto.
Den final Fundashon Mariadal a topa ku e ekipo di Repúblika Dominikana.
Den e partido final Mariadal ta keda den tereno 4-5 i kai vensí den di 9 inen di e partido.
Fundashon Mariadal tabata ganá 3-2 den di seis inen i e ekipo kontrinkante di Repúblika Dominikana ta empatá e partido.
E di 9 inen Fundashon Mariadal tabata ganá 4-3 i ta keda den tereno 5-4. Pabien ku e título di supkampion di e torneo aya na Aruba.
