KRALENDIJK – Djasabra trempan di anochi den presensiá di un gran públiko, a tuma lugá premiashon di Regata 52 riba “stage” dilanti ofisina prinsipal di gobernashon di nos isla.

Diputado sra. Nina Den Heyer i diputado sr. James Kroon huntu ku Miss Turismo Rayshantely Coffie, tabata enkargá ku e parti d premiashon i entregá kada un di e ganadónan nan premio. 

A kuminsá ku premiashon di Sunfish, despues Optimist, botonan mikro, botonan piskadó i por último e yatenan i ganadó apsoluto.

Mayoria partisipante tabata presente i a subi esenario segun nan nòmber tabata wordu menshoná.
Despues di entrega di premio a sigui ku diferente presentashon riba esenario prinsipal. Entre otro ”Foyan Boyz”, DJ RO-1 i ICONS ku a duna tremendo presentashon.

Share This
error: Content is protected !!