“ORIGIONE” A GANA “48 HOUR FILM PROJECT BONAIRE 2019”

Kralendijk – Djadumingu 27 di òktober tras di lomba a finalisá “The 48 Hour Film Project”. Di 8 grupo ku a partisipá, e grupo ”OrigiOne“ a bai ku e premio máksimo. Ta trata di hóbennan Boneriano bibá na Hulanda. E video tabata basá riba situashon di klima ku ta bin ku medida estrikto pa protehá planeta. Esaki ta e video ku “OrigiOne” ta bai presentá tambe na Rotterdam Hulanda na luna di mart 2020, i lo kompetí den e kompetensia Internashonal kaminda tin 150 tim di tur parti di mundu ta partisipá, i ta spera bon resultado pa e tim di Boneiru. Dennis Martinus a konta ku e partisipantenan a keda hopi kontentu ku e kompetensia. “Huradonan tabata di Kòrsou, Hulanda i Nigeria i nan a keda impreshoná pa e isla chikitu di Boneiru ku un kalidat asina stabil den kompetensia di “48 Hour Film Project” den komparashon ku otronan paisnan grandi. Total tabatin 17 premio ku tabata repartí pa e diferente kategoria. Pronto ta bai publiká e grabashonnan pa medio di website i tambe na kanalnan di televishon lokal,” Martinus a menshoná.

E resultado tabata:

Promé Lugá: Mihó Pelikula di 2019
Serenity di OrigiOne

Di Dos Lugá: Mihó Pelikula di 2019
Top Secret di Kabritu Team

Di Tres Lugá: Mihó Pelikula di 2019
Weekend Vibes di We Were Born Ready

Faborito di Públiko:
Serenity di OrigiOne

Menshonnan Honerable pa Faborito di Públiko:
Weekend Vibes di We Were Born Ready (di os lugá)
The Seer di Ray Production (di tres lugá)

Best Writing:
Giovanni Gijsbertha pa Libertat di 599 Empire

Best Editing:
Marie Sint Jago, Jeremy Pikerie & Jorge González pa Weekend Vibes di We Were Born Ready

Best Directing:
Jeanvier Janga pa Serenity di OrigiOne

Best Cinematography:
Erick Alvarez pa Top Secret di Kabritu Team

Best Sound Design:
Denzel Martis pa Libertat di 599 Empire

Best Actor:
Jeremy Pikerie den Weekend Vibes di We Were Born Ready